miércoles, 2 de mayo de 2012

LIEBSTER BLOG O PREMIO DO AGRADECEMENTO

Esta mañá coa rutina de ler o correo levei unha moi agradable sorpresa. O meu blog foi premiado! É a primeira vez que por este motivo me entregan un premio e teño que recoñecer que estou moi ilusionado. Como lle comentei á persoa que me concedeu este galardón, Ana @MestraPrimaria, Twitter permite grandes descubrimentos. Ela é un desas gratas sorpresas que garda a rede, como compañeira da que sempre se aprende e tamén  o é un dos seus blogs Anaquiños e xoaiñas 2.0 como unha fonte de inspiración así como a súa participación no proxecto #Kuentalibros que é interesantísimo.

Na sociedade na que nos movemos non adicamos moito tempo ás felicitacións, aos recoñecementos privados ou públicos, polo que esta iniciativa inxeniosa semella interesante. Unha "Cadea de favores" blogueira e virtual que, por que non, podería rematar nun futuro cunha gran festa estilo Festival de Cannes..., "Benvidos á entrega do prestixioso premio Liebster Blog 2020".


O premio "Liebster Blog", traducido do alemán significa "Mi blog Preferido". A "recollida" do mesmo ten unhas instruccións sinxelas que os blogueiros premiados poden seguir, se así o desexan para continuar a cadea, e que transcribo deseguido:

  • Copiar e pegar o premio no blog enlazándoo co blogger que llo ten outorgado.
  • Premiar aos seus cinco blogs favoritos coa condición de que teñan menos de douscentos seguidores e deixarlles un comentario nas súas entradas para notificarlles que gañaron o premio.
  • Confirar en que continúen a cadea premiando á súa vez aos seus cinco blogs preferidos.
Eu xa recollín o meu premio que dende hai uns minutos loce na sidebar do meu blog.

Paso pois a enumerar aos meus cinco candidatos por orde alfabética. Son os seguintes:


ArtEForArt, o blog dunha paisana, Camino López @caminologa, que sen dúbida foi outro dos grandes descubrimentos que Twitter me ofreceu. É Licenciada en Belas Artes e suma diversos másteres, pero o que fai dela alguén realmente interesante é a súa participación no Grupo de Investigación da Excelencia de Castela e León amáis de asesora e colaboradora de Padres 2.0 e as súas reflexións e opinións no seu blog, o que indica o seu alto grao de compromiso coa educación e polo tanto altamente recomendable.




Geohistoria Maristas Ourense é un blog que comeza a rodar froito da inquedanza e iniciativa dun grupo de mestres do colexio no cal eu estudiei toda a miña vida e do que gardo grandes lembranzas. Quixera, polo tanto, darlle un pulo e animalos a continuar polo camiño xa iniciado. Son coñecedor do potencial que teñen os mestres que o administran, algúns deles meus antigos mestres e hoxe, sen dúbida, amigos. O complexo e dar o primeiro paso, pero unha vez dado veredes que é imposible parar. Dende eiquí o meu apoio.



Historia das nosas mulleres ourensás converteuse nun blog de gran axuda para as miñas clases poque destaca ás grandes mulleres que conforman a historia pasada e actual da nosa cidade. Un dos obxectivos que me marco coma mestre da área de Ciencias Sociais é o de descubrir e valorar o papel que ten xogado, e xoga, a muller ao longo da historia en xeral e na nosa cidade e provincia en particular. Rosa María Cid Galante é a súa administradora. Dí que o seu blog probablemente nunca se completará totalmente porque cada día emerxen novos nomes propios dos que nos sentimos orguiosos tódolos ourensáns, certo, pero se non fora pola súa teima non só non se completaría senon que permanecerían no esquecemento tantas e tantas mulleres ourensás e iso é un valor humán co que xa contamos que tense que dar a coñecer. Un dos proxectos que agardan ao meu alumnado para o vindeiro curso ten unha estreita relación con este blog e espero que dea moito que falar.



Lengüetazos literarios é o meu último e grato descubrimento. No día de hoxe sumouse ao meu blogroll grazas a #profesinteresantes e @ArcixFormacion. Aínda sendo un blog de Lingua Castelá pareceume brilante a cantidade e calidade das propostas que Silvia González Goñi, @SilviaGongo a súa xenial creadora, propón non só ao seu alumnado senon que ten a xenerosidade de compartir con todos nós neste inmenso escaparate que é Internet. Sen dúbida a miña área de Ciencias Sociais beberá da súa inspiración. Esto é o grandioso da rede, a idea orixinal pódese transformar noutras creacións interdisciplinares futuras. Lendo algúns dos seus proxectos xa estaba teimando no que se podería converter se intervén a miña disciplina. ¿Adicción ao traballo ou paixón grazas á inspiración doutros? Quédome indudablemente co segundo. A pesar dos moitos recoñecementos que xa ten non vin mellor maneira que facer público o meu propio ao seu traballo excelente. Grazas.



Ourensenotempo é un dos meus habituais. O blog de Rafa Salgado non precisa moita presentación na nosa cidade pero pode ser inspirador para outros fóra da mesma que non o coñezan e teñan inquedanzas similares. A súa calidade é incuestionable e o rigor que tenta por en cada entrada son dignos de loubanza. Podo dicir que teño aprendido tantas e tantas cousas relacionadas coa historia da cidade que non teño palabras para agradecelo. É unha das fontes de información de consulta obrigada para o noso alumnado de ESO e este premio simbólico sei que será ben acollido. Tamén sei que non necesita nen premios nen recoñecementos porque a súa paixón pola fotografía é capaz de encherse de felicidade só polo mero disfrute de contemplar unha nova imzaxe inédita da nosa bela Auria. Nótaselle na mirada e nun minuto de conversación con él.

Quedaron no tinteiro virtual outras fontes de inspiración que axudan a conformar o que hoxe son coma mestre a todos eles grazas.

Nota final: Que tontería, pero un síntese mellor despois de recoñecer o traballo ben feito que fan outros, porque nos esquezades que canto mellor sexan os que te rodean, ou os que te inspiran, mellor acabarás sendo tí.




6 COMENTARIOS:

Silvia Gongo dijo...

José Luis, muchas gracias por el premio y sobre todo por tus amables palabras. Como dices, lo mejor de la red es que podamos compartir nuestras ideas y adaptarlas a nuestras circunstancias. Toma de mi blog todo lo que necesites :))

Jose Luis Guede dijo...

Gracias a tí Silvia. M e alegro de haberte conocido virtualmente y reitero mis palabras.

Gracias por el ofrecimiento. Hay mucho y muy interesante y la cabeza no para de pensar y darle vueltas a algunas de las actividades que nos muestras. No dudes que cuando tome algo será citada la fuente y además serás notificada personalmente. Ha sido un placer.

Un abrazo.

Blogueira @MestraPrimaria dijo...

Fantástica escolla de "Liebster Blog" e moi lindo artigo.
Cadro contigo no que dis no segundo parágrafo... había ser ben bonita esa festa tipo Cannes... :)
Grazas polas palabras que me adicas...

Jose Luis Guede dijo...

Grazas Ana. ¿Verdade que sería fantástica esa festa? Pois a ver se segue o fío.

Unha aperta.

Anónimo dijo...

Muchísimas gracias, caballero, me acabo de enterar, porque estos días de "viaducto" me tuvieron alejado de los ruedos informáticos .
Usted sabe que prefiero viejas fotos, y no premios, pero desde luego que no seré un desagradecido.
Esta semana intentare cumplir con los requisitos , muchas gracias, y ya lo regaremos con un buen vino.
Rafa ourensenotempo

Jose Luis Guede dijo...

Gracias Rafa. Lo de las fotos ya sabes que ando todo lo encima que puedo. La verdad es que esperaba una respuesta diferente de los chavales. Como buen Tauro, seguiré en el empeño e intentaré darle otra vuelta, quizás lo he planteado mal. Tengo pendiente enviar una nota a las familias porque creo que será lo mejor.

El premio simbólico es desde el afecto y con mucha sinceridad, bien lo sabes. El vino lo tengo pendiente desde la exposición Naqueles Vellos Pupitres..... que non nos fagamos nós vellos ;)

Related Posts Plugin for WordPress, Blogger...

ACLARANDO COUSAS

Iste espazo pretende ser un lugar de aportación e intercambio de experiencias amáis dunha proposta motivadora de integración das tecnoloxías ás clases de ciencias sociais, dentro e fóra do centro educativo. Desexo que este punto de encontro virtual sexa enriquecedor e motivante para a vosa -e a miña - formación.

Tódala información, imaxes, enlaces ou contidos neste blog teñen única e exclusivamente unha intencionalidade didáctica cuxa función é meramente educativa. No caso de que calquera persoa considere que se vulneran os seus dereitos de autor pódese dirixir ao autor do blog na seguinte dirección csjguede@gmail.com
para solicitar a retirada de inmediato do material que considere da súa propiedade intelectual.

DEIXÁRONSE CAER