29 de maio de 2016

OBRADOIRO DIDÁCTICO: O SEGREDO DOS FRANCISCANOS.

Imaxe: fonte

O pasado venres 27 de maio, un grupo de alumnas e alumnos de 2º de ESO tivo a oportunidade de participar dun obradoiro didáctico como continuidade ao proxecto sobre o Ourense medieval realizadoao longo deste curso escolar.






O Arquivo Histórico Provincial de Ourense (AHPOu) organiza "Os segredos dos franciscanos", unha actividade didáctica deseñada a partir da exposición temporal "O legado de Asís" que recomendanos visitar antes de que a retiren.

Fonte da imaxe: AHPOu

O obxectivo desta actividade foi o de potenciar e reforzar o coñecemento do patrimonio ourensán, e dun xeito activo e participativo profundar no legado dunha das ordes mendicantes asentadas na cidade a mediados do s.XIII como son os franciscanos.




Neste percorrido, o alumnado descubriu numerosos aspectos do legado dos franciscanos e clarisas na provincia (Allariz, Monterrei, Ourense, Ribadavia e Trandeiras). Pretendemos que a través do coñecemento sintan o patrimonio e o poñan en valor, elas e eles son os mellores embaixadores para a difusión presente e futura do enorme potencial que atesoura a nosa cidade en particular e a provincia en xeral.

Fonte da imaxe: AHPOu

Este obradoiro consiste nunha representación teatralizada, coidada e rigorosa en canto aos contidos históricos, que a través de dous personaxes de ficción – Xoana a Lavandeira e frei Xan o Farrapeiro, arquiveiro e procurador franciscano – consiguen captar dende o primeiro minuto a atención do alumado.




Ao longo dunha hora e media achegámonos ás instalacións do propio AHPOu, praza do Trigo, praza do Correxidor, rúa da Estrela e claustro do Convento de San Francisco.











A valoración é moi positiva tanto pola atención recibida, o rigor dos datos manexados emoi especialmente porque conseguíu espertar esa emoción necesaria no alumnado para que a aprendizaxe se poida producir. Unha actividade diferente, lonxe das tradicionais e tediosas, atractiva, con toques de humor ben inseridos na trama da historia, cercana aos propios intereses do alumnado e consguindo introducir nas súas cabezas unha información que debido ao formato do obradoiro ten grandes probabilidades de converterse en conñecemento.



Agradecemos ao director do AHPOu, en representación do persoal do arquivo, a invitación realizada e o trato recibido. Grazas.

Pero o reto continúa, non hai máis que ollar con atención a imaxe aérea e fixarse nese baleiro con forma de cruz latina. Haberá que tirar dirección "Campo da Feira" e procurar solucionar o enigma que nos plantexaron neste intereante obradoiro.


24 de febreiro de 2016

ALICERCES: EVOLUCIÓN URBANA DE OURENSE DO s.XVI AO s.XX

O luns 22 e martes 23 de febreiro, o alumnado de 2º de ESO achegouse ata a sala de Afundación na Praza do Campo (Praza Maior) para complementar o proxecto "Abrindo Portas 16" coa visita á exposición Alicerces: evolución urbana de Ourense do s.XVI ao s.XX.




"Por medio da documentación custodiada nos diferentes arquivos de Galicia e de pezas representativas dese momento, mostrase a evolución da cidade de Ourense neses cinco séculos. Completa a exposición un vídeo coa evolución urbana e recreacións en 3D de edificios que forman parte do que se coñece como arquitectura de papel e doutros xa desaparecidos."




Unha vez traballamos na aula sobre o Ourense medieval, tivemos un punto de partida para comprender mellor o crecemento da nosa cidade ao longo dos séculos e achegarnos a esta visita-taller cuns coñecementos previos que axudaron a comprender mellor esta evolución urbana.

24 de xaneiro de 2016

SOBRE O OURENSE MEDIEVAL


Un dos obxectivos estratéxicos do Centro é o de fomentar a participación activa das familias, vinculándoas na vida colexial a través da súa colaboración na xornada escolar.

Fonte da imaxe: enlace


Avelino Rodríguez González, xestor cultural do Museo Arqueolóxico de Ourense e pai dun alumno do noso Centro, quen recentemente vén de publicar no anexo 34 do Boletín Auriense unha investigación sobre a Casa do Concello de Ourense, accedeu a colaborar connosco.


O seminario de Ciencias Sociais, pola súa banda, contempla fortalecer o coñecemento do ámbito local para todas as etapas educativas. Isto é un dos obxectivos prioritarios do noso proxecto "Abrindo Portas 2016": coñecer o Ourense medieval.



Nesta ocasión, o alumnado de 2º de ESO participou nunha charla para profundar nesas claves do Ourense como cidade medieval que nos achegou Avelino. Lanzou moitos interrogantes para a reflexión. É o Ourense medieval unha cidade pequena e agraria? Sen dúbida, os alumnos e alumnas non esquecerán as claves que nos axudaron a comprender mellor a cidade que habitamos. Agradecemos a Avelino o tempo adicado e as súas ensinanzas.



26 de abril de 2015

ABRINDO PORTAS 2015: CATEDRAL DE OURENSE


Debuxo Jorge Arranz

Continuando co proxecto de patrimonio e cidade que se ven desenvolvendo dende hai varios cursos no colexio, o alumnado de 2º de ESO profundou no coñecemento da Catedral de Ourense. Para isto contamos coa colaboración dun dos mellores expertos na materia como é Jesús Manuel García Díaz, periodista especializado en patrimonio e autor da tese sobre a Praza de San Martiño e que conta con innumerables artigos e publicacións amais dunha ampla experiencia nas visitas guiadas á Sé Auriense.

Dende unha perspectiva histórica abordamos esta segunda fase do proxecto Abrindo Portas 2015. Nunha primeira etapa percorrimos a cerca e as portas medievais da cidade. Nesta segunda fase achegámonos a unha das súas construcións significativas. A Catedral é un deses elementos simbólicos que caracterizan a Ourense, pero decatámonos que seguía a ser unha gran descoñecida. Para dar solución a isto, partimos dun estudo previo con materiais propios que nos axudou a coñecela e tamén para preparar a visita ás nosas aulas dun experto na materia como é Jesús Manuel García Díaz. Descubrimos que é unha catedral, a evolución histórica das plantas, o simbolismo, as fases construtivas, os diferentes estilos artísticos, os avatares que sufríu ao longo da historia e algúns segredos que de seguro o noso alumnado non esquecerá. Dúas xornadas teóricas na aula e unha visita guiada remataron esta fase do proxecto.

A Catedral, sen dúbida, é un deses lugares onde podemos afinar os sentidos. Escoitar os sons das campás, a música do órgano, o eco das voces no seu interior, o son das pisadas e o canto na liturxia. O olor das velas, do incienso ou as flores. A vista, coas súas dimensións cara o ciborio, o magnífico Pórtico do Paraíso, as cores, marcas de canteiro, relevos e frescos. Tamén o tacto sobre as frías pedras, a reixería ou a madeira do coro.

Patrimonio e cidade ao servizo da educación.


25 de marzo de 2015

ESPÍRITO TED PARA A TÚA AULA


De seguro son ben coñecidas para moitos docentes as famosas charlas TED ou as súas variantes TEDx. As primeiras porque dubido que alguén no mundo do ensino ainda non coñeza a Sir Ken Robinson e o video máis visto da historia dos TED: As escolas matan a creatividade. Nas segundas , os TEDx, tiven  a sorte de poder participar en dúas ocasións no #TEDxGalicia,  en Ourense no 2012 e Pontevedra no 2013, experiencias ambas moi positivas.

Crédito


As charlas TED teñen unhas condicións que non son aptas para calquera conferenciante. Algunhas  delas poderían servir para optimizar a nosa "performance" na aula.

1.- Non sexas previsible. Esperta a curiosidade dende o primeiro minuto para enganchar e captar a atención do alumnado. Non hai nada peor que un profesor previsible e aburrido e nada máis gratificante que un profesor que é quen de captar a atención do alumnado e espertar o seu interés, un #profesorinteresante.

Créditos
2. Terás un gran soño. Amosa algo maravilloso ou ben comparte algo interesante co teu alumnado que non compartiras antes.
Crédito

3. Non venderás o teu proxecto como se fose algo fora do normal. Falamos de vender, porque en realidade somos como comerciais que venden un produto, neste caso é o coñecemento. Non esquezas aplicar o principio AIDA, Atención, Interés, Desexo e Acción.
Crédito

4. Lembrarás en todo momento que rir é bo. Fai que eles rían tamén. Que as clases sexan divertidas non quere dicir que non sexan serias. Nunha entrada anterior analizamos como ser un "profesor Tamariz".
Créditos

5. Amósalles a túa curiosidade e a túa paixón. Crea expectativas porque son como o envoltorio do produto. As expectativas non se crean lendo apuntes ou o libro, con isto conseguimos matar a curiosidade e difumínanse as expectativas. Invítalles a pensar, para que falen, poidan expresarse con liberdade e se sintan a gusto. Fomenta a participación dotando de espazos na aula para compartir inquedanzas, esas que están no entorno inmediato e lle son familiares.
Crédito

6. Abandona o ego persoal. O neno que levamos dentro xa non existe, calquera tempo pasado non foi mellor, senon diferente. Se preparamos as sesións pensando no neno que nós fumos teremos moitas posibilidades de non chegar e non conectar coas súas motivacións.

Crédito
7. Fala dos teus éxitos e tamén dos teus fracasos, dos teus medos, as túas vivencias e experiencias. Compartimos tempo e compartimos vida.
Crédito







webgrafía:

http://blogs.elpais.com/laboratorio-de-felicidad/2013/05/curiosidad.html
http://www.cosasdeeducacion.es/como-despertar-la-curiosidad-en-el-alumno/
http://www.efdeportes.com/efd47/sueno.htm
http://jccubeirojc.blogspot.com.es/2013/06/las-reglas-de-ted-para-una-presentacion.html
http://justificaturespuesta.com/5-consejos-para-motivar-a-tus-alumnos-en-clase/

9 de febreiro de 2015

DESTREZAS DE PENSAMENTO: PONTES DE OURENSE

David Perkins dí que "o obxectivo de ensinar a pensar é o de preparar ao alumnado para que, nun futuro, poidan resolver problemas con eficacia, tomar decisións ben meditadas e disfrutar de toda unha vida de aprendizaxe."

Fonte da imaxe: enlace

As destrezas de pensamento diferéncianse das rutinas en que son máis elaboradas e apóianse en organizadores gráficos como os que amosamos no documento de traballo desta entrada. Foi empregado para o tema de arte do XIX en 4º de ESO. O obxectivo é facer visible o pensamento para desenvolver as distintas habilidades a través de destrezas que nos permitan realizar un tipo de pensamento dun xeito coidadoso e con habilidade.

A destreza de comparar e contrastar axuda a reter na memoria e amosar a relación entre os diversos fragmentos de información. Esta actividade fíxose ao inicio da sesión, acompañada dunha serie de cuestións guía, para que o alumnado tirase as súas propias conclusións.

Fotne da imaxe: enlace

As destrezas de pensamento diferéncianse das rutinas en que son máis elaboradas e apóianse en organizadores gráficos como os que amosamos no seguinte documento de traballo, empregado para o tema de arte en 4º de ESO.


28 de xaneiro de 2015

VISITA AO AHPOu EXPOSICIÓN PAI FEIJOO: RUTINAS DE PENSAMENTO

Un dos motivos da visita ao Arquivo Histórico Provincial de Ourense realizada neste mes de xaneiro foi, por unha parte, achegarnos á figura do Pai Feijoo e completar "in situ" os contidos dos ilustrados galegos e por outra, reflexionar sobre o significado da estatua do Pai Feijoo nos xardíns que, actualmente, levan o seu nome e daquelas fora un terreo propiedade do Bispado, correspondente á parte traseira do Seminario de San Fernando.



Cita Pablo Sánchez Ferro, director do AHPOu, que "estamos nun contexto de creación de identidades colectivas burguesas da sociedade liberal decimonónica, entre as que emerxe o sentimento galeguista, a reivindicación dunha historia e dunha realidade cultural propia e diferenciada en relación co resto dos pobos." 



No ano 1842 o provincialista Antolín Faraldo comezou a reivindicar a figura do Pai Feijoo aos que lle seguirían Murguía ou Lamas Carvajal. Ante a escasez de recuros económicos decídese convocar un certame literario e unha comisión, como impulsores da iniciativa. Aínda que a idea de erixir unha estatua a este ourensán ilustre xorde a mediados do XIX non se materializará ata o 8 de setembro de 1887, data da súa inauguración. A obra é do escultor catalán Soler, e dicir como curiosidade que custou 30.000 pesetas da época.




Unha rutina de pensamento que pode axudar para o inicio da unidade ou deste tema en concreto é KWL (Que sei-Que quero saber-Que aprendín). 


5 de decembro de 2014

#PBL DESEÑA A TÚA ILLA


Continuamos compartindo as experiencias do traballo por proxectos realizado no nivel de 1º de ESO. Un PBL que leva como título "Deseña a túa Illa".



Antes de comezar marcamos dous obxectivos básicos: que todo o alumnado coñecese e comprendense as características dos diferentes elementos xeográficos e que soubesen integralos harmonicamente nun deseño inventado por eles. Do mesmo xeito que acontece en Dubái coas "Palm Islands" o problema era facer un prototipo de illa artificial que ademáis tiña que incorporar unha serie de elementos os cales ofrecían "bonus" extra.




O reto plantexado foi deseñar unha illa, inventada co seu nome, coordenadas xeográficas, bandeira e a lo menos cinco divisións administrativas coas súas cidades e unha capital. Houbo incluso himnos.



Como comentamos anteriormente, debería conter unha serie de elementos da xeografía física e política outogándolle un valor a a cada deles como por exemplo: as dorsais oceánicas, tómbolos, rías, mesetas, cordilleiras, noiros, golfos, cabos, badías, etc.



Tamén se incorporaron outros elementos "extras" a criterio do alumnado como volcáns, fallas e algún que outro tsunami acechando os seus mares e océanos. Estradas, portos, aeroportos, límites políticos, todo un despliegue de medios que deron os seus froitos tras sete sesións de traballo. Rematamos cunha exposición oral para compartir tanto do proceso de elaboración, a presentación do produto final e unha reflexión coas conclusións do traballo en equipo. Aprendendo Ciencias Sociais e aprendendo para a vida. Vexamos un pequeno video do proceso.


3 de decembro de 2014

#PBL PARQUE TEMÁTICO EN AURIA


Ao longo deste primeiro trimestre andivemos inmersos en proxectos que nos axudasen a dinamizar a aula dende outra ollada máis motivadora. Levamos uns anos de experiencia con esta metodoloxía e constatamos que a través do Learning by Doing o alumnado aquire unha serie de competencias que teñen unha aplicación práctica na vida real.



A motivación é o motor da aprendizaxe significativa. Isto acontece cando a tarefa a desenvolver ten un significado para o alumnado ben porque obxervan unha utilidade ou simplemente porque se divirten ao longo do proceso. Comparto a idea de que debemos valorar máis os procesos que os resultados, e son estos mesmos procesos da aprendizaxe os que nos sirven de motivación extrínseca para poder afrontar novos retos.



O reto de deseñar un Parque Temático de Arte Clásica en Ourense respondeu claramente aos obxectivos perseguidos na metodoloxía do PBL como os que apunta Jordi Guim:

  • Potenciar o desenvolvemento das competencias do alumnado.
  • Prestar atención ao aspecto social da aprendizaxe.
  • Acadar un desenvolvemento da intelixencia e o estilo persoal de aprendizaxe da cada alumno.
  • Desenvolver os aspectos máis importantes do "aprender a aprender".
  • Provocar conflitos no alumnado para estimular a súa aprendizaxe.
  • Acadar habilidades necesarias para que o alumnado avalíe a súa propia aprendizaxe.


8 de outubro de 2014

UN UNIVERSO DE DÚBIDAS

Estamos a traballar nun proxecto integrado multidisciplinar con Intelixencias Múltiples que ten como eixo central ao Universo. Un universo de dúbidas ao que tentamos achegar respostas e tamén outros moitos interrogantes.

Foto José L. Guede

O nivel para este proxecto é 1º de ESO. Estamos a traballar colaborativamente varias materias. Esta idea xorde no curso pasado onde deixamos recollida unha suxestión como resposta ao Proxecto Lingüístico de Centro, un plan integral que pretende mellorar a competencia en comunicación lingüística do noso alumnado de forma integrada e interdisciplinar. Chegamos a un acordo sobre as liñas de actuacións comúns, as metodoloxías a seguir e a distribución dos contidos como paso inicial.

A experiencia está a resultar moi motivadora tanto para o profesorado participante como para o alumnado. Algunhas conclusións que imos recollendo no noso diario docente:
  • Estratexias para a procura da información tanto curricular como extracurricular.
  • Realización de traballos que nos conectan con exemplos da vida real.
  • Tarefas encamiñadas a fomentar a participación de todos.
  • Aprendemos xuntos.
  • Coñecer estratexias que lles axudarán a adquirir progresivamente responsabilidades.
  • Realización dun produto final con exposicións e discursos orais, representacións, exposicións de traballos, etc.
Compartimos un pequeno video que resume dunha parte do proceso.


28 de setembro de 2014

INICIADO O CURSO 2014-2015


Xa van dúas semanas dende que comezamos esta nova aventura do saber. Desexo que teñades unha feliz viaxe, ainda que chegue algo tarde.

Fonte da imaxe: enlace

Un novo proxecto, outra porta que se abre a novas ilusións e retos desafiantes que iremos desenvolvendo ao longo do curso. 

A programación por proxectos en Secundaria deu resultados moi positivos o curso pasado. É por este motivo polo que vou a implementar este camiño iniciado xa hai cinco cursos e incorporar novidades relacionadas co patrimonio e Ourense ao currículo neste curso 14-15 .

Fonte da imaxe: enlace

Unha das teimas nas que ando a traballar é como  introducir altas expectativas no alumnado a través de tarefas motivantes que supoñan un reto desafiante, partindo da realidade máis inmediata. Esto, mais o cambio metodolóxico no que andamos inmersos, estame obligando a ter que adicar un tempo extra o cal non me permnite levar o ritmo de entradas no blogue que eu desexo.

Outro proxecto que me está a ralentizar é o que estamos a desenvolver. Un traballo colaborativo entre as materias de Ciencias Naturias e Ciencias Sociais para sumarnos á propsta lanzada dende o departamento de Matemáticas, quen propuxo traballar "A constelación do mes". Puxémonos mans á obra o profesorado implicado e pronto veremos os resultados da nosa participación.

Foto José L. Guede

Foto José L. Guede

ACLARANDO COUSAS

Iste espazo pretende ser un lugar de aportación e intercambio de experiencias amáis dunha proposta motivadora de integración das tecnoloxías ás clases de ciencias sociais, dentro e fóra do centro educativo. Desexo que este punto de encontro virtual sexa enriquecedor e motivante para a vosa -e a miña - formación.

Tódala información, imaxes, enlaces ou contidos neste blog teñen única e exclusivamente unha intencionalidade didáctica cuxa función é meramente educativa. No caso de que calquera persoa considere que se vulneran os seus dereitos de autor pódese dirixir ao autor do blog na seguinte dirección csjguede@gmail.com
para solicitar a retirada de inmediato do material que considere da súa propiedade intelectual.

RELACIOADO

Related Posts Plugin for WordPress, Blogger...